Շաբաթօրյակ

Տարեվերջին դպրոցի աշակերտական խորհուրդը կազմակերպել էր շաբաթօրյակ: Երեխաները որոշել էին ուսումնական տարվա վերջին մեկ անգամ ևս կարգի բերել իրենց նախաձեռնությամբ միջանցքներում տեղադրված ծաղիկները, մաքրել դրանք փոշուց, մշակել և նոր միայն գնալ ամառային արձակուրդ: 

ՔՊ օր

 ՀՀ ՏԿԱԻ նախարար Ա. Երիցյանի 23.01.2015թ.-ի թիվ 30-Ա հրամանի համաձայն, ՀՀ Տավուշի մարզպետ Հովիկ Աբովյանի  որոշմամբ,  մայիսի 14-ին մեր մարզում անցկացվեց ,,Քաղաքացիական պաշտպանության միջոցառումների կազմակերպումը ՀՀ Տավուշի մարզի քաղաքացիական պաշտպանության համակարգը խաղաղից ռազմական դրության փոխադրման դեպքում,, թեմայով շտաբային ուսումնավարժություն և ,, Տարահանման ժամանակավոր տեղակայման կետի ծավալումը,, գործնական միջոցառում: 
Իջևանի թիվ 1 հիմնական դպրոցում, որտեղ ծավալվել էր բնակչության տարահանման ժամանակավոր տեղակայման կետ, անցկացվեց գործնական միջոցառում: Կատարվեց փորձնական տարահանում, որին մասնակցեցին մոտ 70 պայմանական տարահանվածներ: Նախապես կազմվել էին  ընդունման, հաշվառման և բախշման, հասարակական կարգի պահպանման, հակահրդեհային պաշտպանության, գույքի և սննդի բախշման խմբերը,  կահավորվել էին մոր ու մանկան սենյակը, բուժկետը, տեղեկատվական կենտրոնը: Բոլոր աշխատանքները կատարվեցին կազմակերպված և բարձր մակարդակով:


Պետք է նշել, որ քաղպաշտպանության հետ կապված միջոցառումները մեր դպրոցում միշտ էլ անցնում են հավուր պատշաճին: Դա կատարվում է դպրոցի երկարամյա զինղեկ Ռոբերտ Քամալյանի  հետևողական և պատասխանատու աշխատանքի շնորհիվ: Յորաքանչյուր տարի դպրոցում անցկացվում է ՔՊ օր, որի ժամանակ աշակերտները ծանոթանում են բնական և տեխնածին աղետների ու դրանց հետ կապված ռիսկերի նվազեցման հետ:

Հրաժեշտ Այբբենարանին

Այբբենարանի հանդեսները դպրոցական միջոցառումների անբաժանելի մասն են կազմում: Դրանք  առաջին դասարանցիների համար մի յուրատեսակ քննություն են  անցած մեկ տարվա ընթացքում իրենց կատարած աշխատանքի համար: Դասվարներ Ծ. Թամրազյանը և Մ. Մկրտումյանը երկար ու տքնաջան աշխատանք էին կատարել՝ առաջին դասարանցիների այդ  "հում" նյութից ստանալու այն, ինչին ականատես եղան միջոցառմանը ներկա ուսուցիչները և ծնողները: Երկու միջոցառումներն էլ հայրենասիրական բնույթի բաց դասեր էին, որ մատուցեցին փոքրիկները՝  իրենց հատուկ պարզությամբ ու ինքնատիպությամբ:

Մայիսի 9

Մայիսի 9-ին նշվեց Հայրենական Մեծ պատերազմում խորհրդային
ժողովրդի տարած հաղթանակի 70-ամյակը և Շուշիի ազատագրման 23-ամյակը: Այդ հիշարժան տարելիցներին էր նվիրված դպրոցում կազմակերպված միջոցառումների շարքը, որն իր ձևով նորություն էր և արժանացավ դրական արձագանքի:

Մայիսի 8-ին, ողջ օրվա ընթացքում, դպրոցի առաջին հարկում տեղադրված էկրանին

ցուցադրվում էին պատերազմական օրերի խրոնիկան արտացոլող կադրեր, լսվում էին պատերազմական օրերի երգերը, որոնք օգնեցին զինվորներին  Մեծ Հաղթանակի գործում:Թե՛ աշակերտները, թե՛ ուսուցիչները մեծ հետաքրքրությամբ լսում էին այդ հոգեհարազատ երգերը:

Օրվա վերջում սպորտհրապարակում կազմակերպվեց ֆլեշ-մոբ՝ դպրոցի պարի խմբակի աշակերտների մասնակցությամբ:Երեխաները կազմեցին 70 թիվը և ներկայացրին գեղեցիկ պար: 

Իսկ հաջորդ պարը հանրահայտ ''Смуглянка''  երգի հնչյունների ներքո էր:
Միջոցառմանը գեղեցիկ համարով ներկայացավ դպրոցի դհոլոհարների խումբը, իսկ Բենիամին Ղալումյանի կատարմամբ "Синий платочек" երգը արժանացավ հանդիսատեսների բուռն ծափահարություններին:

Այդ օրը անմոռանալի կմնա դպրոցի ութերորդ դասարանի ինը աշակերտների համար, ովքեր ստացան "Պատանի երկրապահ" ակումբի կրտսեր սերժանտի կոչման վկայականները: Նրանք երդվեցին պատվով կրել այդ կոչումը:

Հաջորդ օրը աշակերտների ձեռքով պատրաստված աշխատանքների ցուցահանդեսը նույնպես նվիրված էր Մեծ

Հաղթանակի 70-ամյակին: Տեխնոլոգիայի ուսուցչուհի Լ. Մելիքսեթյանի ղեկավարությամբ աշակերտները ապակու վրա գեղեցիկ պատկերներ էին ստացել: Այս աշխատանքները նորություն էին դպրոցում և անչափ մեծ հետաքրքրություն առաջացրին:

Մաթեմատիկան դպրոցում

Ուսումնական տարվա ընթացքում  չորրորդից ութերորդ դասարաններում մաթեմատիկա առարկայից տնօրենության կողմից պարբերաբար տրվեցին գրավոր աշխատանքներ: Դրա նպատակը  մաթեմատիկայից
կայուն և հիմնավոր գիտելիքներ ունեցող աշակերտների հայտնաբերումն էր: Մի քանի ստուգիչ գրավորներից հետո ընտրվեցին տասներկու աշակերտներ, ովքեր պարգևատրվեցին պատվոգրերով՝ մաթեմատիկա առարկայից բարձր առաջադիմություն ցուցաբերելու համար:  Պարգևատրման ճամանակ ելույթ ունեցան տնօրեն Ա. Փաշինյանը, մեթոդիստ-ուսուցիչ Վ. Պետրոսյանը, աշակերտներ, ծնողներ: Պարգևատրված աշակերտները նշում էին, որ մաթեմատիկան դարձել է իրենց մշտական ուղեկիցը,
և իրենք շատ են սիրում թվերի աշխարհը:

.
Տնօրեն Ա.Փաշինյանը ասաց, որ նման միջոցառումները կլինեն շարունակական և կօգնեն հայտնաբերել օժտված երեխաներին: