Շառլ Ազնավուր

Ֆրանկոֆոնիայի ամսվա շրջանակներում անչափ հետաքրքիր միջոցառման հեղինակ դարձավ օտար լեզվի մասնախումբը: Ֆրանսերենի ուսուցչուհի Ս. Հովհաննիսյանի կազմակերպած միջոցառումը նվիրված էր աշխարհահռչակ շանսոնիե Շառլ Ազնավուրին:
Բեմում երեխաները կանգնած էին ֆրանսիական դրոշի գույները ցույց տվող փողկապներով: Նրանք ներկայացրին մեծ երաժշտի կյանքը, անցած ճանապարհը, հաջողությունները: Նշենք, որ միջոցառումը ֆրանսերեն և հայերեն լեզուներով էր: Աշակերտները կատարեցին հանրահռչակ երգչի երգացանկից

որոշ հայտնի երգեր, որոնք մեծ ջերմությամբ ընդունվեցին հանդիսատեսի կողմից: Երգերն ուղեկցվում էին պարային կատարումներով և գեղեցիկ բեմականացումներով:
Այս միջոցառմամբ մեր դպրոցը ևս մասնակից դարձավ աշխարհի ֆրանկոֆոն շարժմանը:

Ապրիլի 7

Մայրության և գեղեցկության տոնին գեղեցիկ միջոցառում էին կազմակերպել IIIԲ դասարանի աշակերտները: Դասվար Լ. Հովակիմյանի և գրադարանի աշխատակից Լ. Սարհատյանի օգնությամբ երեխաները շնորհավորեցին սիրելի մայրիկների և ուսուցչուհիների տոնը, ասմունքեցին հայ գրողների մորը նվիրված հայտնի բանաստեղծությունները, մաղթեցին բոլոր կանանց լինել մշտաժպիտ և երջանիկ: Փոքրիկների տպավորիչ խոսքն ու հաճելի երգը բավականության պահեր պարգևեցին բոլոր ներկաներին:

ԶԱՏԻԿ

Քրիստոսի հրաշափառ հարության տոնը՝ սուրբ Զատիկը, միշտ էլ հավուր պատշաճի է նշվում մեր դպրոցում՝ հայոց եկեղեցու պատմության ուսուցչուհի Ս. Յարալյանի շնորհիվ:
Այս տարի ևս բացառություն չէր: Միջոցառումն այս անգամ անցկացվեց
VI Ա դասարանի աշակերտների մասնակցությամբ: Երեխաները ներկայացրին Քրիստոսի խաչելության և հարության աստվածաշնչյան պատմությունը: Այնուհետև բեմականացրին "Անառակ որդու վերադարձը" առակը: Միջոցառումն ավարտվեց ուրախ երգ ու պարով:











Ներկա էին ուսուցիչներ, ծնողներ, ովքեր իրենց շնորհակալությունը հայտնեցին միջոցառման կազմակերպման համար:

Թթվածնի դատավարությունը

 Քիմիայի և կենսաբանության մասնախումբը նախատեսել էր անցկացնել դաս-միջոցառում՝  <Թթվածնի դատավարությունը> թեմայով:        Այն կազմակերպեց քիմիայի ուսուցչուհի    

Հ. Ցականյանը՝ VIIIԱ դասարանում: Նախապես կատարվել էր դերաբաշխում, և աշակերտներն անցել էին իրենց հատկացված դերին նախապատրաստվելուն: Հարկ է ասել, որ դերասանական կազմը շատ լավ կատարեց իր խնդիրը: Դասին ներկա ուսուցիչներին մատուցվեց ինչպես գերազանց խաղ, այնպես էլ բարձր գիտելիքներ քիմիայից: 

Մեղադրող կողմը ներկայացրեց թթվածնի բացասական դերը հրդեհների, պայթյունների առաջացման գործում, նշվեց, որ թթվածնի մասնակցությամբ ռեակցիաներում առաջանում են գազեր, որոնք այնքան էլ լավ  ՛՛համբավ՛՛  չունեն: Իսկ պաշտպանական կողմը բերեց բազմաթիվ հակափաստարկներ՝ ապացուցելով թթվածնի կարևորությունը կյանքի համար: Թե մեղադրող, թե պաշտպանական կողմը ունեին վկաներ:

Լսելով երկու կողմին՝ դատավորը ընդունեց թթվածնին արդարացնող վճիռ, որն ընդունվեց ծափահարություններով: