Սեպտեմբեր ամսվա առաջին շաբաթում ընտրվեցին դասարանական աշակերտական խորհուրդները, որոնց նախագահներից և մեկական անդամներից էլ ձևավորվեց դպրոցի աշակերտական խորհուրդը: Խորհրդի հերթական նիստում առաջադրվեցին աշակերտական խորհրդի նախագահի թեկնածուները՝ Էդիլյան Էռնա, Մարգարյան Գայանե և Շահնազարյան Նարեկ: Ըստ կանոնադրության, նրանք պետք է ներկայացնեին իրենց նախընտրական ծրագիրը:
Սեպտեմբերի 15-ին հրավիրվեց աշակերտական ընդհանուր ժողով, որին մասնակցում էին դպրոցի վեցերորդից իններորդ դասարանների բոլոր աշակերտները: Օրակարգում՝1. 2016-17 ուստարում կատարված աշխատանքների հաշվետվություն
2. Նախագահի թեկնածուների նախընտրական ծրագրերի ներկայացում
3. Նախորդ ուստարվա ընթացքում տարբեր բնագավառներում աչքի ընկած աշակերտների պարգևատրում:
Քանի որ դպրոցի աշակերտական խորհրդի նախագահը ավարտել է հիմնական դպրոցը, 2016-17 ուստարվա աշխատանքների հաշվետվությունը ներկայացրեց դպրոցի կազմակերպիչ Ս. Պետրոսյանը:Աշակերտական ընդհանուր ժողովը աշխատանքները գնահատեց բավարար:
Այնուհետև նախագահի թեկնածուները ներկայացրին իրենց նախընտրական ծրագրերը: Որոշվեց մեկ շաբաթվա ընթացքումանցկացնել նախընտրական քարոզարշավ:
Վերջում տեղի ունեցավ սպորտի, ուսման, ՛՛Կենգուրու՛՛, ՛՛Մեղու՛՛ մրցույթներում աչքի ընկած աշակերտների պարգևատրում: Նրանք պարգևատրվեցին պատվոգրերով, գավաթներով, բռնցքամարտի ձեռնոցներով:Քանի որ դպրոցի մարզադահլիճը հարմարեցված է բռնցքամարտին, տեղադրված է ռինգ, այստեղ գործում է քաղաքային մարզադպրոցի բռնցքամարտի խմբակը: Պարգևատրման գործում մեծ ներդրում ունեցան պատանի բռնցքամարտիկների ծնողները, ովքեր նույնպես ներկա էին: Ի նշան աջակցության, մարզիչ Ա. Էդիլյանը դպրոցի տնօրեն Ա. Փաշինյանին հանձնեց հուշանվեր և շնորհակալագիր:
No comments:
Post a Comment