Փետրվարի 21-ին մաթեմատիկայի մասնախմբի ուսուցիչների նախաձեռնությամբ կայացավ ինտելեկտուալ խաղ-մրցույթ վեցերորդ դասարանցիներ մասնակցությամբ: Վեցերորդ ա և բ դասարանների թիմերը կազմված էին հինգ անդամներից: Մրցույթի առաջադրանքները կազմված էին այս տարվա անցած դասանյութից: Տրվեց 20 հարց, յուրաքանչյուր հարցին թիմերը պատասխանում էին գրավոր և ներկայացնում ժյուրիին: Այնուհետև էկրանին երևում էր ճիշտ պատասխանը: Պետք է նշել, որ երկու թիմն էլ լավ էին հիշում անցած նյութը և տալիս էին ճիշտ պատասխաններ:
Խաղը ընդմիջվում էր նաև երաժշտական կատարումներով, որոնք թուլացնում էին լարվածությունը:
Խաղի արդյունքում չնչին ՝ մեկ միավորի առավելությամբ հաղթեց վեցերորդ ա դասարանի թիմը: Ամփոփման ժամանակ ժյուրին շեշտեց, որ ընդհանուր առմամբ խաղը հավասար էր, և եթե չլիներ փոքրիկ հաշվարկային սխալը, խաղը կավարտվեր ոչ-ոքի: Այդ էր պատճառը, որ երկու թիմերի անդամներին էլ հանձնվեցին միևնույն նվերները: 
No comments:
Post a Comment