Սպորտլանդիա

2011թ. նոյեմբերի 25-ին Իջևանի թիվ 1 հիմնական դպրոցում  կայացավ սպորտլանդիա` նվիրված Գ. Նժդեհի ծննդյան 125-ամյակին: Մրցում էին VIIԱ դասարանի «Կայծակ»   և   VIIԲ դասարանի «Արծիվ» թիմերը: Թիմերը ոգևորված էին և անհամբերությամբ սպասում էին խաղի սկսվելուն : Երկուսն էլ համոզված էին իրենց հաղթանակի մեջ: Վերջապես լսվեց մրցավարի սուլիչը և խաղն սկսվեց:  Դահլիճը պայթում էր երկրպագուների գոռում-գոչյուններից, իսկ մրցակիցները ջանքեր չէին խնայում նրանց սպասելիքները արդարացնելու համար:
Խաղն անցավ փոփոխական հաջողությամբ և վերջին մրցաձևից առաջ հաշիվը հավասար էր` 75-75: Ամեն ինչ որոշեց պարանաձգումը: Համառ ջանքերի շնորհիվ  հաղթեց VII Բ դասարանը:

Անսահման էր թիմի անդամների, դասղեկի, ծնողների և երկրպագուների ուրախությունը: Ժյուրիի նախագահը հայտնելով վերջնական արդյունքը,  շնորհավորեց հաղթող թիմին և ասաց, որ մայիս ամսին այս երկու թիմերը կրկին կհանդիպեն: Մրցակիցները հեռացան դահլիճից` իրենց հետ տանելով օրվա ջերմությունը և նոր մրցույթի սպասումը:

Նախագահական ընտրություններ

Իջևանի համար 1 հիմնական դպրոցում կայացավ աշակերտական խորհրդի նախագահի ընտրությունը, որին մասնակցում էին 7-9 դասարանի աշակերտները:

Թեկնածուները 4-ն էին` Ղևոնդյան Սոնան, Մկրտչյան Գիգուշը, Ֆարմազյան Լիլիթը և Պետրոսյան Մերին:

Առաջին և երկրորդ դասաժամերի ընթացքում  տեղի ունեցավ փակ քվեարկություն: 168 աշակերտներից  ընտրությանը մասնակցեցին 159-ը:

Ընտրությունների ավարտին հաջորդեց ձայների հաշվումը: Այդ գործընթացին մասնակցում էին 6 վստահված անձիք և 2 ուսուցիչներ:

Ղևոնդյան Սոնան հավաքելով 89 ձայն   դարձավ 2011-2012ուս. տարվա Աշխորհրդի նախագահ (52%): Պետրոսյան Մերին հավաքեց 33 ձայն և գրավեց 2-րդ տեղը: Մկրտչյան Գիգուշը հավաքեց 19 ձայն, իսկ Ֆարմազյան Լիլիթը` 16 ձայն:

 

Հայաստանը ես եմ

Նոյեմբերի 17-ին IV դասարանում տեղի ունեցավ բաց դաս` նվիրված Հայաստանի Հանրապետության 20  և «Հույսի կամուրջ» ՀԿ 15 ամյակին : Դասին ներկա էին դպրոցի տնօրեն` Լ. Խաչատրյանը, դասվարները , ինչպես նաև «Հույսի կամուրջ» ՀԿ  ներկայացուցիչը: Դասը սկսվեց Հայաստանի հիմնի կատարմամբ:




Աշակերտներին տրվեց առաջադրանք պատկերել Հայաստանը խորհրդանշող որևէ պատկեր, մեկնաբանել այն և փաքցնել պաստառին: Արդյունքում ստացան եռագույն դրոշը:

Կերպարվեստի դասաժամ

Զարմանալի հետաքրքրությամբ են անցնում V դասարանի  կերպարվեստի դասերը: Ուսուցիչը ջանք չի խնայում ժամը հետաքրքիր դքրձնելու համար: Երեխաներն իրենց տեսադաշտում ունենում են բնօրինակը, այս անգամ էլ` տարբեր մրգեր և բանջարեղեն: Չկա այնպիսի մի աշակերտ, որն անպատրաստ ներկայանա: Իսկ դասամիջոցին վայելում են իրենց բերած արևահամ մրգերը:

Վերջում այդ մրգերն ու բանջարեղենները  վեր են ածվում գեղեցիկ և հրաշալի նկարների:

Իջևանի բուսայգին