Դպրոցում արդեն ավանդույթ է առաջին դասարանցիներին հայոց
այբուբենի առաջին տառի հետ ծանոթանալու դասը կարևոր և գեղեցիկ միջոցառման ձևով անցկացնելը: Բացառություն չէր և այս տարին : Դասվարներ Ծովինար Թամրազյանը և Մարգարիտա Մկրտումյանը ջանք ու եռանդ չէին խնայել ընդամենը երկու ամիս առաջ դպրոցի շեմին ոտք դրած փոքրիկների առաջին մեծ միջոցառումը հիշարժան տոնի վերածելու համար: Թեև տարբեր էին դասվարների մոտեցումները, այնուամենայնիվ նրանց հաջողվեց իրենց սաներին հասցնել Ա տառի խորհուրդը, նրանց մատուցել այն կախարդական աշխարհի բանալին, որտեղ նրանք կծանոթանան հայոց այբուբենի բոլոր զինվորների հետ, կդառնան գրաճանաչ և ուժեղ՝ իրենց գիտելիքներով: Միջոցառումների ավարտին բոլոր ներկաները փոքրիկներին մաղթեցին հաջողություն տառուսուցման հետաքրքիր, բայց և դժվար գործում:
No comments:
Post a Comment